Bakı şəhərində lentə alınan görüntülərdə 77-AA-903 dövlət nömrə nişanlı Bentley markalı avtomobilin velosiped zolağında hərəkət etdiyi əks olunub. Hadisə sosial şəbəkələrdə paylaşıldıqdan sonra istifadəçilər arasında müzakirələrə səbəb olub.

Şəhər sakinləri bu cür halların zaman-zaman müşahidə olunduğunu bildirir və bütün sürücüləri yol hərəkəti qaydalarına riayət etməyə çağırırlar:

“Velosiped yolları şəhər nəqliyyatının təhlükəsiz və səmərəli təşkili üçün vacibdir. Bu cür zolaqlarda avtomobillərin hərəkəti həm qanun pozuntusudur, həm də digər hərəkət iştirakçıları üçün risk yarada bilər”, – deyə bir sakin fikrini bildirib.

Qanunvericiliyə əsasən, velosipedçilər üçün ayrılmış zolaqlarda avtomobillə hərəkət etmək icazəli deyil və bu, inzibati məsuliyyət yarada bilər.

Patrulaz.az olaraq, bütün sürücüləri xüsusilə şəhər daxilində hərəkətdə olarkən yol nişanlarına və nişanlanmalara diqqət yetirməyə, digər nəqliyyat iştirakçılarına hörmətlə yanaşmağa çağırırıq.