Xəbər verdiyimiz kimi, noyabrın 5-də UEFA Çempionlar Liqasının Liqa mərhələsinin IV turu çərçivəsində keçirilən “Qarabağ” – “Çelsi” oyunu 2:2 hesabı ilə başa çatıb.

Patrul.az xəbər verir ki, matçın 29-cu dəqiqəsində Leandro Andrade “Qarabağ”ın ilk qolunu vurub. 39-cu dəqiqədə Marko Yankoviç penalti zərbəsini dəqiq yerinə yetirərək hesabı 2:1 edib.

Rəqib komandanın qollarını isə 16-cı dəqiqədə Estevao, 53-cü dəqiqədə isə Qarnaço vurub – 2:2.

Beləliklə, UEFA Çempionlar Liqasının Liqa mərhələsinin IV turundan sonra “Qarabağ” ümumilikdə 7 xalla turnir cədvəlində 12-ci pillədə qərarlaşıb.