Bakı Hərbi Məhkəməsində erməni təcavüzünün qurbanlarının yeni ifadələri dinlənilib.

Patrulaz.az xəbər verir ki, zərərçəkənlər əsirlikdə yaşadıqları işgəncələr, mina hadisələrinin nəticələri və digər dəhşətli təcrübələri barədə danışıblar.

Şahidlər erməni silahlı birləşmələri tərəfindən qanunsuz saxlanılma, amansız davranış, psixoloji təzyiq və azad edilmiş ərazilərdə basdırılmış minaların partlaması nəticəsində baş verən hadisələri ətraflı təsvir ediblər. Onlar oğurlanaraq əsir götürüldüklərini, qapalı yerdə saxlanıldıqlarını, döyüldüklərini, aclıq və susuzluğa məruz qaldıqlarını bildiriblər.