Kaliforniyanın dövlət katibi Şirli Veber ABŞ-ın “Qızıl Dövləti” kimi tanınan və Los-Ancelesdəki yanğınlardan sarsılan ştatın ABŞ-dan ayrılıb müstəqil ölkə olub-olmayacağı ilə bağlı səsvermə üçün imza toplamaq məqsədilə petisiyanı təsdiqləyib. Beləliklə, dünyanın 5-ci ən böyük iqtisadiyyatına sahib olan Kaliforniyanın müstəqillik referendumunu 2028-ci il seçkilərinə daxil etməsinin yolu açılıb.

Patrulaz.az xarici KİV-ə istinadən xəbər verir ki, Kaliforniya geniş fərqlə ABŞ-ın ən zəngin və ən çox əhalisi olan ştatıdır. Beynəlxalq Valyuta Fondunun (BVF) 2023-cü il üçün Dünya İqtisadi Görünüşü hesabatına görə, Kaliforniya Yaponiyanı geridə qoyaraq Hindistan və Böyük Britaniyanı qabaqlayaraq dünyanın beşinci ən böyük iqtisadiyyatına malikdir. Los-Ancelesdəki yanğın fəlakətindən sarsılan, Kaliforniyanın müstəqilliyini müdafiə edən bir qrup olan Calexit, Donald Trampın noyabrda keçirilən prezident seçkilərindəki qələbəsini “Kaliforniyanın dəyər verdiyi hər şeyə hücum” kimi qiymətləndirib və bu vəziyyətin ştatın ayrılma səbəbini gücləndirdiyini müdafiə edib.