“Blok3” adı ilə tanınan türkiyəli məşhur müğənni Hakan Aydına qarşı sui-qəsd planı ortaya çıxıb.

Patrul.az xəbər verir ki, Beylikdüzüdə silahlı basqın hadisələrini araşdıran polis qrupları şübhəliləri təqib etməyə başlayıb. Dəstə üzvlərinin kiralıq avtomobillərlə İstanbulla sərhədi keçərək Muğlanın Bodrum rayonuna getdiyi müəyyən edilib və orada keçirilən xüsusi əməliyyatla 2-si qadın olmaqla 7 şübhəli saxlanılıb.

Saxlanılan şəxslərin mobil telefonları ekspertizadan keçirilərkən onların xaricə məxsus GSM xətləri vasitəsilə Signal şifrəli mesajlaşma tətbiqindən istifadə etdikləri məlum olub. Şübhəlilərin bu tətbiqdə “Blok” adlı gizli qrup yaratdıqları, qrup daxilində Hakan Aydının Bodrumda qaldığı otelin dəqiq koordinatlarını, habelə istifadə etdiyi lüks avtomobillərin fotolarını və hərəkət istiqamətlərini paylaşdıqları aşkarlanıb.

İstintaq materiallarına əsasən, qrupdakı yazışmalarda cinayətkar dəstənin bu sui-qəsdi “Türkiyə miqyasında böyük səs gətirəcək bir hadisə” kimi xarakterizə etdiyi istintaq sənədlərinə düşüb. Həmçinin repçinin bundan əvvəlki konsertlərini də əngəlləmək üçün hədə-qorxu mesajlarının göndərildiyi bildirilir.

Şübhəlilərin üzərindən və yaşadıqları ünvanlardan 4 ədəd qeydiyyatsız tapança, 6 ədəd sandıqça və 86 ədəd patron aşkarlanaraq götürülüb.

Saxlanılan şəxslərdən biri (K.Y.) ifadəsində qrupda repçinin menecerini vurmaq müqabilində özünə hücum təklifi edildiyini etiraf etsə də, digərləri “Biz sadəcə tətil edirdik, polisin axtardığı başqa bir nəfəri xaricə qaçırmağa kömək edirdik” deyərək sui-qəsd ittihamlarını rədd ediblər.

Toplanmış sübutlar və telefon yazışmaları əsasında məhkəmə 7 şübhəli barəsində həbs qətimkan tədbiri seçib.