Yapon alimləri gənclərdə daha çox rast gəlinən qan xərçənginin yeni təhlükəli alt növünü aşkar ediblər.

Patrul.az xəbər verir ki, Yaponiya Milli Xərçəng Mərkəzinin Xərçəngin Proqressiyası üzrə Araşdırmalar Departamentinin rəhbəri Keniçi Yoşida bu barədə mediaya açıqlama verib.

T-hüceyrəli kəskin limfoblastik leykemiyanın alt növü yetişməmiş immun hüceyrələrdən inkişaf edir.

Araşdırmaya görə, 7-35 yaş arası xəstələrdə 1000-dən çox xəstəliyə yoluxma halı müəyyən edilib. Yoşidanın sözlərinə görə, xərçəngin bu alt növü ilə diaqnoz qoyulanların proqnozu olduqca pisdir. Çoxlu residivlər və ölüm halları müşahidə olunub.

Bundan əlavə, bu xərçəng növü standart müayinələr zamanı demək olar ki, aşkar edilmir, çünki o, nadir xromosomların yenidən təşkili ilə əlaqələndirilir.

Yoşida deyib ki, bu alt növün aşkarlanması, müalicə ehtimalını artıra bilən hematopoetik kök hüceyrə transplantasiyası da daxil olmaqla, müvafiq müalicəyə imkan verir. O, həmçinin əlavə edib ki, yeniyetmələrdə bu yeni yarımtipin yaranmasının səbəbləri hələ də aydın deyil və onun aşkarlanması müasir sınaq metodlarından asılı olacaq.

Aynur Nadirqızı