Ağ, yoxsa qara paltar – hansında həqiqətən az tərləyirik?

Yay aylarında isti havalarda bir çox insan açıq rəngli geyimlərin daha sərin saxladığını, qara paltarların isə daha çox tərlətdiyini düşünür. Bəs bu fikir doğrudanmı elmi faktlara əsaslanır, yoxsa yayılmış bir mifdir?

Patrul.az bu sualın cavabını araşdırıb.

Mütəxəssislərin fikrincə, ağ rəng günəş şüalarının böyük hissəsini əks etdirdiyi, qara rəng isə daha çox udduğu üçün birbaşa günəş altında ağ paltar adətən daha az isinir. Lakin insanın nə qədər tərləməsinə təkcə rəng deyil, parçanın növü, qalınlığı, hava keçirmə qabiliyyəti, rütubət və günəş altında qalma müddəti də ciddi təsir göstərir. Məsələn, pambıq və kətan kimi nəfəsalan parçalar sintetik materiallarla müqayisədə bədəni daha rahat saxlayır.

Nəticə olaraq, təkcə paltarın rənginə görə daha az tərləyəcəyinizi düşünmək düzgün deyil. Yayda rahatlıq üçün əsas seçim açıq rəngli, nazik və hava keçirən təbii parçalardan hazırlanmış geyimlərə üstünlük verməkdir.

Cəmilə Cəfərzadə