Almaniyada fabrik sifarişləri ötən ilin son ayında təyyarə, gəmi, hərbi maşın və qatarlar kimi böyük sifarişlər hesabına 6,9 faiz artıb.

Patrulaz.az xarici mətbuata istinadən xəbər verir ki, dekabr ayında ölkədə yerli istehsal məhsulları üzrə sifarişlər əvvəlki ayla müqayisədə 6,9 faiz artıb. Fabrik sifarişləri isə əvvəlki ilin eyni ayına görə yüzdə 6,3 azalıb.

2024-cü ildə fabrik sifarişləri 2023-cü illə müqayisədə 3 faiz azalıb. Almaniyada dekabr ayında daxili sifarişlər aylıq 14,6 faiz, xarici sifarişlər isə 1,4 faiz artıb.

Sözügedən dövrdə Avrozonadan yeni sifarişlər 6,2 faiz artıb, digər ölkələrdən gələn sifarişlər isə 1,5 faiz azalıb.

Ölkədə dekabr ayında aylıq olaraq aralıq malları istehsalçılarının sifarişləri 0,2 faiz, istehlak malları istehsalçılarının sifarişləri 7,7 faiz, istehsalat malları sifarişləri isə 10,9 faiz artıb.

Almaniya İqtisadiyyat və Energetika Nazirliyindən verilən açıqlamada sənayedəki sifarişlərin, xüsusilə digər nəqliyyat vasitələrinin tikintisində özünü göstərən böyük sifarişlərdə güclü aylıq dalğalanmalarla xarakterizə olunmağa davam etdiyi bildirilib.