Bu gün saat 14:00 radələrində Sabunçu rayonunun Bakıxanov qəsəbəsində, “Teras Park” yaşayış kompleksinin yaxınlığında avtomobil yanğını baş verib.

Patrul.az-ın əldə etdiyi məlumata görə, Mitsubishi markalı minik avtomobili qəfil alovlanaraq yanmağa başlayıb. Hadisə yerinə dərhal Fövqəladə Hallar Nazirliyinin (FHN) əməkdaşları cəlb olunub. Yanğın qısa müddətdə söndürülməsinə baxmayaraq, nəqliyyat vasitəsinə ciddi ziyan dəyib.

Hazırda hadisənin səbəbləri araşdırılır.