Patrul.az tərəfindən Sabunçu rayonu, Bilgəh qəsəbəsində yerləşən ödənişsiz çimərlikdə mövcud olan antisanitar vəziyyətlə bağlı videogörüntülər ictimailəşdirilmişdi.

Əldə etdiyimiz məlumata görə, sözügedən ərazidə antisanitar vəziyyət polis əməkdaşlarının müşayiəti ilə aidiyyəti dövlət qurumları tərəfindən aradan qaldırılıb və ərazi təmizlənib.

Qeyd edək ki, çimərlikdə yaranan antisanitar vəziyyətin əsas səbəblərindən biri də istirahətə gələn bəzi şəxslərin məişət tullantılarını əraziyə ataraq natəmiz vəziyyət yaratmaları olub.