Amerikalı rep-metal qrupu “Dropout Kings”in solisti Adam Ramey 31 yaşında vəfat edib.

Patrulaz.az xarici KİV-ə istinadən xəbər verir ki, ailəsi Rameyin uzun və ağrılı bir asılılıqla mübarizədən sonra dünyasını dəyişdiyini açıqlayıb. Acı xəbər qrupun sosial media hesablarından paylaşılan emosional bir açıqlama ilə təsdiqlənib. Bildirilib ki, Ramey qrupun kimliyini formalaşdıran əsas şəxslərdən biri olub və “qardaşları” kimi qəbul olunub.

Qrupun açıqlamasında aşağıdakı ifadələr yer alıb:
“Ürəyimizin dərin ağrısı ilə qardaşımız Adam Rameyin həyatını itirdiyini paylaşmaq məcburiyyətindəyik. Onun musiqiyə olan sevgisi, enerjisi və qayğıkeşliyi “Dropout Kings”in formalaşmasında mühüm rol oynayıb və saysız-hesabsız insanın həyatına təsir göstərib. Dürüstcə desək, tamamilə sarsılmışıq. Amma Adamın ruhu, xarizması və enerjisi bizim üçün yalnız sonsuz bir ilham mənbəyi olmayacaq, həm də gələcəkdə ən yaxşısını etməyimizə güc verəcək. Bu çətin günlərdə göstərdiyiniz dəstəyə görə hər birinizə təşəkkür edirik. Əminik ki, Adam da sizinlə keçirdiyi hər an üçün minnətdar olub.”

Ləman Sərraf