Texnologiya yalnız cihazlarla deyil, insanlarla da fərqlənir. Alimlər və psixoloqlar bildirirlər ki, insanların telefon seçimi onların xarakteri haqqında çox şey deyə bilər. iPhone və Android istifadəçiləri arasında maraqlı psixoloji fərqlər mövcuddur.

Patrul.az-ın araşdırmasına görə, iPhone sahibləri adətən estetikaya, statusa və sadəliyə daha çox önəm verirlər. Onlar üçün dizayn, brend imici və rahat istifadə təcrübəsi vacibdir. Bu tip insanlar planlı, detallara diqqət edən və sosial baxımdan aktiv olurlar. iPhone seçimi bir növ “nizam-intizam və zövq” simvolu kimi qəbul edilir.

Android istifadəçiləri isə daha çox funksionallığı, sərbəstliyi və fərdiliyi üstün tuturlar. Onlar “öz qaydası ilə işləməyi” sevən və texnologiyadan yaradıcı şəkildə istifadə edən insanlardır. Android istifadəçiləri adətən praktik, açıq fikirli və eksperimentə meyilli olurlar.

Bəzi tədqiqatlara görə, iPhone istifadəçiləri sosial mediada daha aktiv, Android istifadəçiləri isə daha realist və özəl həyata qapalı olur. Amma bu, üstünlük deyil, sadəcə fərqli düşüncə tərzlərinin təzahürüdür.

Telefon seçimi bəzən zövq məsələsidir, amma hər brend bir xarakter izini daşıyır.

Ləman Əlizadə