İran dövlət televiziyasında erməni dilində Azərbaycan xalq mahnısı yayımlanıb.

Patrul.az “Azad İran”a istinadən xəbər verir ki, Azərbaycanın məşhur “Sarı Gəlin” xalq mahnısı müğənni Araz Trosyanın (Araz Dareh) ifasında erməni və fars dillərində “Sarı Ağçık” adı altında təqdim olunub.

Qeyd edək ki, Araz Trosyan erməni əsilli iranlı bəstəkardır. Sözügedən ifa İran dövlət televiziyasının efirində yayımlanıb.

Bununla yanaşı, İranın rəsmi xəbər agentliyində də musiqi nümunəsinin erməni musiqisi kimi təqdim edilməsi diqqətdən yayınmayıb.