ABŞ-da it döyüşdürmək və heyvanlara təcavüz etməkdə təqsirli bilinən şəxs 475 il müddətinə azadlıqdan məhrum edilib.

Patrulaz.az xarici KİV-ə istinadən xəbər verir ki, 2022-ci ilin noyabrında ABŞ-ın Corciya ştatında mülkündən müsadirə edilən 107 it də daxil olmaqla bir çox heyvana qarşı pis rəftar etdiyi və itləri döyüşdürdüyü üçün mühakimə olunan 57 yaşlı Vincent Lemark Burrell barəsində hökm elan edilib.

Aqressiyanı artırmaq üçün qısa zəncirlərlə ağaclara bağlanmış 107 qidasız və sığınacaqsız iti sui-istifadə etməkdə günahkar bilinən Burrell, 475 il həbs cəzasına məhkum edildi. Burrellin mülkündən götürülən itlər hazırda heyvanların xilasetmə mərkəzindədir.