İran parlamenti hücuma məruz qalacağı təqdirdə Xarq adasını “işğalçılar üçün qəbiristanlığa” çevirməklə hədələyib.

Patrul.az xəbər verir ki, İslam Respublikası parlamentinin enerji komitəsinin sözçüsü Esmail Hosseini bildirib ki, İran ölkənin əsas neft anbarlarının yerləşdiyi Xarq adasını ələ keçirməyə cəhd edən hər kəsi “alçaldılacağı” ilə hədələyib.

“Əgər düşmən Xarq adasına hücum etməyi planlaşdırırsa, bilməlidir ki, Hörmüz boğazındakı rüsvayçılıqdan daha böyük rüsvayçılıqla üzləşəcəklər və ada işğalçılar üçün qəbiristanlığa çevriləcək” (Təsnimdən sitat gətirir). O əlavə edib ki, adada həyat adi qaydada davam edir və neft ixracı fasiləsiz davam edir

Martın 16-da “Axios” ABŞ rəsmilərinə istinadən xəbər verib ki, ABŞ prezidenti Donald Tramp Xarq adasındakı neft terminalını ələ keçirməyi düşünür. Əməliyyat üçün ABŞ ordusunun quru qüvvələrindən istifadə olunacaq. Ağ Ev hələlik yekun qərarların verilmədiyini açıqlayıb. Lakin Hörmüz boğazının açılması əməliyyatı uzanarsa, vəziyyət dəyişə bilər.

Nəşrin mənbələrindən biri izah edib ki, Donald Tramp adaya tam nəzarət ssenarisinə üstünlük verir, çünki bu, “rejim üçün iqtisadi nokaut zərbəsi” ola bilər və Tehranı gəlirlərinin əhəmiyyətli bir hissəsindən məhrum edə bilər. İran neftinin 90%-ə yaxını Xarqdan keçir.

Xatırladaq ki, martın 15-də ABŞ Xarq adasındakı infrastruktura zərbələr endirib. Donald Tramp hücumu “Yaxın Şərq tarixindəki ən güclü hücumlardan biri” adlandırıb. Amerika tərəfinin fikrincə, bu zərbələr obyektə nəzarətin qurulmasına imkan yaradır.

Aynur Nadirqızı