Türkiyədə 12.000 illik Günəş təqvimi ola biləcək abidə tapılıb.

Patrulaz.az “Yahoo”ya istinadla xəbər verir ki, Türkiyənin cənubunda, Göbekli Təpədə arxeoloqlar 12.000 illik, üzərində qeyri-adi yazılar olan qədim bir abidə aşkar ediblər.

Araşdırmalar göstərir ki, abidənin üzərindəki oymalar günləri, fəsilləri və illəri izləyən bir sivilizasiyanın bəlkə də ən qədim Günəş Təqvimini əks etdirir. Xüsusilə, yay gündönümü abidədə xüsusi bir gün kimi qeyd olunub.

Arxeoloqların təhlilinə görə, sütunlara həkk olunmuş mürəkkəb oyma simvolların hər biri müəyyən bir günü təmsil edir. Məsələn, bir sütunun 365 günə uyğun gəldiyi nəzərə alınsa, hər “V” işarəsi bir günü göstərə bilər.

Tədqiqatçılar bildirirlər ki, bu abidə qədim sivilizasiyanın yalnız tarixi deyil, həm də bürclərin səmada hərəkətini ilin vaxtına uyğun izlədiyini göstərir. Beləliklə, Göbekli Təpədəki bu məbədəbənzər kompleks günləri və fəsilləri qeyd edən ən qədim astronomik sistemlərdən biri ola bilər.

Arxeoloqlar hesab edirlər ki, əgər abidənin işarələri onların düşündüyü kimi həqiqətən günəş təqvimi funksiyasına malikdirsə, bu tapıntı dünyanın ən qədim Günəş təqvimi olaraq tarixə düşəcək.