Son illərdə cəmiyyətlərdə əxlaqi dəyərlərin dəyişməsi və modernləşməsi geniş müzakirə mövzusuna çevrilib. Bir vaxtlar ailə bağları, hörmət və ənənəvi davranış qaydaları əsas dəyərlər hesab edildiyi halda, bu gün fərdiyyətçilik və azad seçimlər daha çox ön plana çıxır.
Araşdırmalar göstərir ki, qloballaşma, sosial media və texnologiyanın inkişafı insan davranışlarına və dəyərlərinə ciddi təsir edir. Xüsusilə gənc nəsil artıq ailə ənənələrinə və kollektiv dəyərlərə əvvəlki qədər bağlı qalmır. Ənənəvi ailə strukturlarının dəyişməsi, nikahların gecikməsi və boşanma hallarının artması da bu prosesin bir hissəsidir.
Bununla yanaşı, bəziləri bu dəyişiklikləri müsbət qarşılayır. Onların fikrincə, müasir dövrdə insanların daha açıq fikirli olması, gender bərabərliyinə daha çox önəm verilməsi və fərdi azadlıqların genişlənməsi cəmiyyətin inkişafına töhfə verir.

Nigar Ramazanova