Suraxanı rayonu, Yeni Günəşli qəsəbəsi, Abbas Fətullayev küçəsində uzun müddətdir işləməyən işıq dirəkləri təmir olunub.

Bu barədə Patrul.az-ın sorğusuna “Bakı Şəhər İşığı” Elektrik Şəbəkə Müəssisəsinin Suraxanı Təmir-Bərpa Sahəsindən məlumat verilib.

Bildirilib ki, bir neçə gün əvvəl küçədəki işıq dirəkləri tam şəkildə işıqlandırma sistemi ilə təmin olunaraq istifadəyə verilib.

Xatırladaq ki, tədbir görülməmişdən əvvəl redaksiyamıza müraciət edən sakinlər sözügedən küçədə intensiv nəqliyyat axını olduğundan gecə saatlarında hərəkətin həm sürücülər, həm də piyadalar üçün çətinləşdiyini qeyd etmişdilər.

Gülbəniz Səfərova